।। सार्थ श्री सकलसंतगाथा ।।

सुखें वोळंब दावी गोहा । माझें दु:ख नेणा पाहा ।।१।।

आवडीचा मारिला वेडा । होय होय कैसा म्हणे भिडा ।।धृ।।

अखंड मज पोटाची व्यथा । दुध भात साखर तूप पथ्या ।।३।।

दो प्रहरा मज लहरी येती । शुद्ध नाहीं पडे सुपत्ती ।।४।।

नीज नये खाली घालीं फुलें । जवळीं न साहती मुलें ।।५।।

अंगीं चंदन लावितें भाळी । सदा शूळ माझें कपाळीं ।।६।।

निपट मज न चलें  अन्न । पायली गहुं सांजा तीन ।।७।।

गेले वारीं तुम्हीं आणिली साखर । सात दिवस गेली साडेदहा शेर ।।८।।

हाड गळोनी आले मांस । माझें दु:ख तुम्हां नेणवें कैसें ।।९।।

तुका म्हणे जिता गाढव केला । मेलियावारी नरका नेला ।।१०।।

अभंग क्र.७ (शिरवळकर)

sukhe volamb davi goha maze dukkh dukkha nena paha