।। सार्थ श्री सकलसंतगाथा ।।

पैल तो गे काऊ कोकताहे | शकून गे माये सांगताहे ||धृ||

उड उड रे काऊ तुझे सोन्यानें मढवीण पाऊ |

पाहुणे पंढरीराऊ घरा कैं येती ||२||

दहीभाताची उंडी लाविन तुझ्या तोंडी |

जीवा पढिये तयाची गोडी सांग वेगीं ||३||

दुधें भरुनि वाटी लाविन तुझे वोठी |

सत्य सांगे गोठी विठो येईल कायी ||४||

आंबया डहाळी फळें चुंबी रसाळी | 

आजिचें रे काळी शकून सांगें ||५||

ज्ञानदेव म्हणे जाणिजे ये खुणे |

भेटती पंढरीराणे शकून सांगें ||६||

 pail to ge kau kokatahe lyrics shakun ge maye sangatahe ud uda re kau tuze sonyane madhavin pau