संत एकनाथ महाराज - गौळणी

गोधनें चाराया जातो शारंगपाणि ||धृ||

मार्गीं भेटली राधिका गौळणी | कृष्ण दान मागे निरी आसडोनी |

तंव ती देखिली यशोदा जननी ||२||

यशोदा म्हणे नाटका हृषिकेशी | परनारीसी कैसा रे झोंबसी |

येरू रुदत सांगतो मातेपाशी | माझा चेंडू लपविला निरीपाशी ||३||

राधिका म्हणे यशोदे परियेसी | चेंडू नाहीं नाहीं वो मजपाशी |

परी हा लटिका लबाड हृषिकेशी | निरी आसडीतां चेंडू पडे धरणीसी ||४||

यशोदा म्हणे चाळका तुम्ही नारी | मार्गीं बैसतां क्षण एक मुरारी |

एका जनार्दनीं विनवी श्रीहरी | नाम घेतां पातकें जाती दुरी ||५||

godhane charaya charavaya jato sharangpani sharangapani