।। सार्थ श्री सकलसंतगाथा ।।

येत येत उभा राजबिदी | सवें चाले गोपाळांची मांदी |

नारी पाहती उभया बिदी | एकीच्या धरुनी बाहुवा खांदी ||१||

हरिहरनंदना सदृश्य लोचना | डोळ्यां वेगळा न वा जासी कान्हा |

अरे कान्हा मनमोहना | गोपी भुलल्या तुझिया गुणा ||धृ||

चतुर्वेद नागवी भाट सांगातें | उभया वर्णितां रामकृष्णातें |

श्रुति स्मृति विद्यावंते | जय जय म्हणिती कृपानिधिते ||३||

येत येत उभा रहात | सुदाम्याच्या खांद्यावरी हात |

समदृष्टी गोपिका न्याहाळीत | चैतन्य चोरुनी आनंदें डुल्लत ||४||

ऐसा कृष्ण सौभाग्यसुंदर | लावण्य गुण रत्नाकर |

विष्णुदास नामयाचा दातार | भक्ती भावें वोळंगा शारंगधर ||५||

yet yet ubha rajabidi save chale gopalanchi mandi