।। सार्थ श्री सकलसंतगाथा ।।

कान्होबा निवडीं आपुलीं गोधनें ||धृ||

पांच पांच पोळ्या तीन भाकरी | दीड कानवला एक पुरी |

आम्हा धाडिलें वैल्या दुरी | आमची ठकऊन खाल्ली शिदोरी ||२||

परियेसी शारंगधरा | तुझा बैल चुकला मोरा |

सांगुं गेलों तुझ्या घरा | पाठी लागला तुझा म्हातारा ||३||

परियेसी हृषीकेशी | गाई म्हशींचे दुध पिशी |

वासरे प्याली म्हणून सांगशी | उद्या ताक नाहीं आम्हाशी ||४||

कान्होबा ओढाळ तुझ्या गाई | होत्या नव्हत्या कळंबा ठाई |

शिव्या देती तुझी आई ||५||

विष्णुदास नामा साहे | देवा तूंचि बाप माये |

अखंड माझें हृदयी राहें ||६||

kanhoba nivadi aapuli godhane