।। सार्थ श्री सकलसंतगाथा ।।

घनु वाजे घुणघुणा | वारा वाहे रूणझुणा |

भवतारकू हा कान्हा | वेगीं भेटावा कां ||धृ||

चांद वो चांदणें | चापे वो चंदनु |

देवकीनंदनेंवीण नावडे वो ||२||

चंदनाची चोळी | माझे सर्व अंग पोळी |

कान्हो वनमाळी | वेगीं भेटवा कां ||३||

सुमनांची सेज | शितळ वो निकी |

पोळे आगीसारीखी | वेगीं विझवा कां ||४||

तुम्ही गातसां सुस्वरें | ऐकों नेदावीं उत्तरें |

कोकिळे वर्जावें | तुम्ही बाईयांनो ||५||

दर्पणी पाहतां | रूप न दिसे आपुलें |

बापखुमादेविवरू विठ्ठलें | मज ऐसें केलें ||६||

वरील गौळण येथे ऐका-गायन लता मंगेशकर

 ghanu vaje ghunaghuna vara vahe runazuna runajhuna bhavataraku ha kahna vegi bhetava ka chandanachi choli maze majhe ang anga poli