।। सार्थ श्री सकलसंतगाथा ।।

गाऱ्हाणें सांगाया | आल्या गोकुळीच्या स्त्रिया ||१||

यशोदा ऐकत | पळे बाहेरी भगवंत ||धृ||

एक म्हणे लोणी | माझें भक्षी चक्रपाणी ||३||

फोडीतसे भांडें | विर्जीलीया म्हणे रांडे ||४||

गाई वासरे सोडितो | येऊनि आम्हासी सांगतो ||५||

अष्टदळ काढिलें अंगणीं | वरी मुते चक्रपाणी ||६||

घेउनिया आला अग्न | तुझ्या घरासी लावीन ||७||

देईन मी तोंडावर | तुझ्या बापाचे हें घर ||८||

घेतसे वरखडे | शिव्या देऊनियां रडे ||९||

देखोनिया गरोदर | म्हणे केवढें उदर ||१०||

सांगती गाऱ्हाणी | नामा म्हणे ऐका कानीं ||११||

 garhane sangaya aalya gokulichya striya yashoda aikat ekat pale baheri bhagavant