।। सार्थ श्री सकलसंतगाथा ।।

मेघवृष्टीनें करावा उपदेश | परि गुरुनें न करावा शिष्य | वांटा लाभे त्यास | केल्या अर्धकर्माचा ||१||

द्रव्य वेंचावें अन्नछत्र | भूतीं द्यावें सर्वत्र | न घ्यावा हा पूत्र | उत्तम याती पोसणा ||२||

बीज न पेरावें खडकीं | ओल नाहीं त्याचे बुडखी | थीतां ठके शेखीं | पाठी लागे दिवाण ||३||

गुज बोलावें संताशी | पत्नी राखावी जैसी दासी | लाड देतां तियेसी | वाटा पावे कर्माचा ||४||

शुद्ध कसुनि पहावें | वरिला रंगा न भूलावें | तुका म्हणे घ्यावें | जया नये तुटी तें ||५||

अभंग क्र.२२०६ (शिरवळकर)

meghavrishtine meghvrushtine karava upadesh updesh pari gurune n karava shishya vata labhe tyas kelya ardhkarmacha