।। सार्थ श्री सकलसंतगाथा ।।

पुढें गेले त्यांचा शोधीत मारग | चला जाऊ माग घेत आम्ही ||१||

वंदू चरणरज सेवूं उष्टावळी | पूर्वकर्मा होळीं करूनियां ||धृ||

अमुप हें गांठीं बांधू भांडवल | अनाथा विठ्ठल आम्हा जोगा ||३||

अवघे होती लाभ एका या चिंतनें | नामसंकीर्तनें गोविंदाच्या ||४||

जन्ममरणाच्या खुंटतील खेपा | होईल हा सोपा सिद्ध पंथ ||५||

तुका म्हणे घालू जीवपणा चिरा | जाऊ त्या माहेर निजाचिया ||६||

                                                               अभंग क्र.८  (शिरवळकर)
                                                              pudhe gele yancha shodhit marag chala jau mag ghet aamhi