।। सार्थ श्री सकलसंतगाथा ।।

वृन्दावनी वेणू कवणाचा माये वाजे  | वेणूनादे गोवर्धन गाजे |

पुच्छ पसरुनी मयूर विराजे | मज पाहतां भासती यादवराजे ||धृ||

तृण चारा चरू विसरली | गाई व्याघ्र एके ठाई झालीं |

पक्षी कुळे निवांत राहिली | वैरभाव समूळ विसरली ||२||

यमुना जळ स्थिर स्थिर वाहे | रविमंडळ चालतां स्तब्ध होये |

शेषकूर्म वराह चकित राहे | बाळा स्तन देऊं विसरली माय ||३||

ध्वनी मंजुळ मंजुळ उमटती | वांकी रुणझुण रुणझुण वाजती |

देव विमानी बैसोनी स्तुती गाती | भानुदास फावली प्रेमभक्ती ||४||

वरील गौळण ऐकण्यासाठी येथे क्लिक करा

vrundavani venu kavanacha may vaje venu nade venunade govardhan gaje