।। सार्थ श्री सकलसंतगाथा ।।

यशोदेसी गौळणी सांगती गाऱ्हाणे | नट नाटक कपटी सांभाळ आपुलें तान्हें |

किती खोडी याच्या सांगू तुजकारणें | सहस्त्रमुख लाजला |

निवांतची ठेला | वेद परतला | गाती अनुछंदे ||१||

वेध लाविला गोविंदे | परमानंदे आनंदकंदें ||धृ||

एके दिवशीं मी गेलें यमुनातट जीवना | गाई गोप सांगते घेऊनि आला कान्हा |

करीं धरी पदरा न सोडी तो जाणा | एकांत घातली मिठी |

न सुटे  गांठी | पाहिला दृष्टी | नित्य आनंदु ||३||

माझ्या घरासी एकदां आले शारंगपाणि | दहीं दुध भक्षुनी रितीं केलीं दुधाणी |

अज्ञान मडकीं टाकिली निपटुनी | पाहिला हरी |  

पळाला दुरी | घरा भीतरी | बाई यशोदे ||४||

किती खोडी याच्या सांगू तुज साजणी | गुण याचे लिहितां न पुरे मेदिनी |

रूप सुंदर पाहतां न पुरे नयनी | एका जनार्दनीं देखिला | 

ध्यानीं धरिला | मनीं बैसला | सच्चिदानंद ||५||

 yashodesi gaulani gavalani sangati garhani natak sambhal aapule tanhe apule khodi kiti yachya sangu vedh lavila lavla lavala govinde