भक्तॠणी देव बोलती पुराणें ।
निर्धार वचनें साच करीं ॥ध्रु॥
मागें काय जाणों अइकिली वार्ता ।
कबिरा सातें जातां घडिया वांटी ॥२॥
माघारिया धन आणिलें घरासि ।
न घे केला त्यासि त्याग तेणें ॥३॥
नामदेवाचिया घरासि आणिलें ।
तेणें लुटविलें द्विजां हातीं ॥४॥
प्रत्यक्षासि काय द्यावें हें प्रमाण ।
एकोबाचें ॠण फेडियेलें ॥५॥
बीज दळोनियां केली आराधना ।
लागे नारायणा पेरणें तें ॥६॥
तुका म्हणे नाहीं जयासि निर्धार ।
नाडेल साचार तोच एक ॥७॥
No comments:
Post a Comment