।। सार्थ श्री सकलसंतगाथा ।।

आम्ही सदैव सुडके । जवळीं येतां चोर धाके | जाऊं पुढतीं भिकें । कुतरीं घर राखती ||१||

नांदणूक ऐसी सांगा । नाहीं तरी वांयां भागा | थोरपण अंगा । तरी ऐसें आणावें ||धृ||

अक्षय साचार | केलें सायासांनी घर | एरंडासी हार | दुजा भार न साहती ||३||

धन कण घरोघरीं | पोट भरे भिकेवरी | जतन तीं करी । कोण गुरें वासरें ||४||

झाली सकळ निश्चिंती | भांडवल शेण माती | झळझळीत भिंती । वृंदावनें तुळसीचीं ||५||

तुका म्हणे देवा | अवघा निरविला हेवा | कुटुंबाची सेवा | तोचि करी आमुच्या ||६||

अभंग क्र-३५ (शिरवळकर)

aamhi sadaiv sudake javali yeta chor dhake jau javu pudhe bhike kutri kutari ghar rakhiti