।। सार्थ श्री सकलसंतगाथा ।।

मिळोनी गौळणी | देती यशोदे गाऱ्हाणी |

खोडी करी चक्रपाणि | ऐक यशोदे साजणी ||धृ||

परवां आला आमुचे घरा | दारीं निजला होता म्हातारा |

घेऊनि ताकाचा हो डेरा | फोडिला सैरा त्यावरी ||२||

दुसरी बोले बाई यशोदे | कांही सांगतें तुझिया मुकुंदें |

आमुचें घरा येऊनि गोविंदें | नवल केलें साजणी ||३||

सून होती माझी गर्भिणी | तीस पुसे चक्रपाणि |

कैसी जाहलीस हो गर्भिणी | तंव ती हसू लागली ||४||

जवळ बैसला जाऊनी | पोट पाहे चांचपुनी |

न कळे ईश्वराची करणी | तंव ती झिडकावी ||५||

ऐशा खोडी नानापरी | किती म्हणोनी सांगू सुंदरी |

एका जनार्दनीं आवरीं | आपुलियां कृष्णातें ||६||

miloni gaulani gavalani deti yashode garhani khodi kari chakrapani aik ek yashode sajani