।। सार्थ श्री सकलसंतगाथा ।।

श्री हनुमंत जन्मकाळ अभंग क्र.७

घारी मुखीचा पिंड अंजनीच्या करी | पाडतां निर्धारी भक्षियेला ||१||

नव मास होता झाली ती प्रसूत | दिव्य वायुसुत प्रगटला ||२||

वानराचा वेष सुवर्ण कौपीन | दिसती शोभायमान कुंडलें तीं ||३||

जन्मतांची जेणें सूर्यातें धरीयेलें | इंद्रादिकां दिले थोर मार ||४||

अमरपती मारी वज्र हनुवटी | पडिला कपाटीं मेरुचिया ||५||

वायुदेव येवोनि बाळ तो उचलिला | अवघाचि रोधिला प्राण तेथ ||६||

सकळ देव मिळोनी प्रसन्न पै होती | वरदान देती मारुतीसी ||७||

सर्व देव मिळोनी अंजनीसी बाळ | देता प्रात:काळ होता तेव्हां ||८||

तिथी ती पोर्णिमा चैत्रमास जाणा | एका जनार्दनी रूपासी आला ||९|| 

ghari mukhicha pind anjanichya kari padata nirdari bhakshiyela hanumant hanuman maruti