।। सार्थ श्री सकलसंतगाथा ।।

बाळक्रीडा  अभंग क्र.१

देवा आदिदेवा जगत्रयजीवा | परियेसी केशवा विनंती माझी ||१||

माझी वाणी तुझे वर्णी गुण नाम | ऐसें देईं प्रेम काहीं कळा ||धृ||

कळा तुजपाशी आमुचें जीवन | उचित करून देईं आम्हां ||३||

आम्हां शरणागता तुझाचि आधार | तू तंव सागर कृपासिंधु ||४||

सिंधू पायवाट होय तुझ्या नामें | जळतील कर्में दुस्तरें तीं ||५||

तें फळ उत्तम तुझा निजध्यास | नाहीं गर्भवास सेविलिया ||६||

सेविलिया राम कृष्ण नारायण | नाहीं त्या बंधन संसाराचें ||७||

संसार तो काय तृणवतमय | अग्नि त्यासी खाय क्षणमात्रे ||८||

क्षणमात्रे जाळी दोषांचीया राशी | निंद्य उत्तमासी वंद्य करी ||९||

करी ब्रीद साचें आपलें आपण | पतितपावन दीनानाथा ||१०||

नाथ अनाथांचा पती गोपिकांचा | पुरवी चित्तींचा मनोरथ ||११||

चित्तीं जे धरावे तुका म्हणे दासीं | पुरविता होशी मनोरथ ||१२||

अभंग क्र.३८०९ (शिरवळकर)

deva adideva jagatray jivana pariyesi keshava vinanti mazi balkrida balkrideche abhang